ءىس-شاراعا قر اقپارات جانە كوممۋنيكاتسيا ءمينيسترى داۋرەن اباەۆ, «كازمەديا ورتالىعىنىڭ» باس ديرەكتورى ءلاززات ءجۇنىسوۆا, ازيا-تىنىقمۇحيتتىق حابار تاراتۋ وداعىنىڭ باس حاتشىسى دجاۆاد موتتاگي قاتىستى.
ەلوردانىڭ 20 جىلدىق مەرەيتويى كۇنىنە وراي 2018 جىلعى 10-12 شىلدەدە استانا قالاسىندا «ازيا مەديا ديالوگى» جالپى لوزۋنگىنىڭ اياسىندا بىرقاتار اۋقىمدى ءىس-شارالار وتەدى. ولاردىڭ شەڭبەرىندە سەمينارلار, كونفەرەنتسيالار, سونىمەن قاتار ازيا راديوسىنىڭ ءان فەستيۆالى وتكىزىلەدى. ءىس-شارالاردىڭ ۇيىمداستىرۋشىلارى – قازاقستان رەسپۋبليكاسى اقپارات جانە كوممۋنيكاتسيالار مينيسترلىگى, ازيا جانە تىنىق مۇحيت حابار تاراتۋ وداعى (اتمحتو), «قازمەديا ورتالىعى» باسقارۋشى كومپانياسى. بىرىگىپ ۇيىمداستىرۋشى - «استانا كونۆەنشن بيۋرو».
مەديا سالاسىنداعى باسشىلار ءۇشىن سەمينارلار كۇن تارتىبىنە جوقتان راديو فورماتىن جاساۋعا, اۋديتوريانى جانە ونى زەرتتەۋ قۇرالدارىن باعالاۋعا, ەۋروپا مەن ازيانىڭ مەديا نارىقتارىنىڭ ينتەراكتيۆتى ۇلگىلەرىن جانە وزىق تاجىريبەلەرىن كورسەتۋ ارقىلى كونتەنتتى ءارتۇرلى اۋديتورياعا تاراتاتىن كوپپلاتفورمالى جانە ءبىرپلاتفورمالى باعدارلامالاردى قولدانۋعا قاتىستى ماسەلەلەر كوتەرىلەدى. بۇدان باسقا, العاش رەت قازاقستاندا ەڭ ءىرى سالالىق كونفەرەنتسيالار وتكىزىلەتىن بولادى, ولاردىڭ بىرەۋى ازيا راديوسىنىڭ ماسەلەلەرىنە ارنالعان. ازيا مەن ەۋروپا مەدياسىنا ورتاق ماسەلەلەردى تالقىلاۋ ماقساتىندا تۇيىندەۋشى وقيعا «Media-2020» كونفەرەنتسياسى بولادى. اۋستراليا, بەلگيا, گەرمانيا, جاپونيا, قىتاي جانە ەۋروپا مەن ازيانىڭ باسقا ەلدەرىنىڭ جەكە ءارى ۇلتتىق تەلە- جانە راديوكومپانيالارىنىڭ جەتەكشى وكىلدەرى مودەراتور بولادى.
ازيا-تىنىق مۇحيت ءوڭىرى ەلدەرىنىڭ جىل سايىنعى ءان سايىسى بولىپ تابىلاتىن, «ەۋروۆيدەنيە» سايىسى سەكىلدى ABU Radio Song Festival ءان فەستيۆالى اتمحتو-نىڭ ەلوردا تۇرعىندارىنا استانا مەرەيتويىن تويلاۋ قۇرمەتىنە وراي ەرەكشە سىيلىعى بولادى. بيىل قازاقستان ورتالىق ازيادا وسى فەستيۆالدى قابىلدايتىن ءبىرىنشى ەل. فەستيۆالعا تۇركيا, نەپال. مالديۆتەر, قازاقستان جانە ت.ب. ەلدەر وكىلدەرى قاتىسادى. ءىس-شارا قازمەديا ورتالىعىنىڭ كينوكونتسەرتتىك زالىندا ۇيىمداستىرىلادى. فەستيۆالدى قاراۋعا ەركىن كىرۋگە بولادى.
2017 جىلى قىركۇيەكتە قىتايدا وتكەن اتمحتو باس اسسامبلەياسىنىڭ قاتىسۋشىلارىنا ءوز ۇندەۋىندە اقپارات جانە كوممۋنيكاتسيالار ءمينيسترى داۋرەن اباەۆ ايتقانداي, قازاقستان بارلىق الەمنىڭ كورنەكتى مەديا وكىلدەرىن جيناپ, ءوزىن ەۋروپا مەن ازيا اراسىنداعى ماڭىزدى كوممۋنيكاتسيالىق توراپ رەتىندە كورسەتەدى. ءىس-شارانىڭ اسا ماڭىزدى قوناقتارى بەدەلدى مەديالىق ۇكىمەتتىك ەمەس مەكەمەلەردىڭ باسشىلارى بولادى, ولاردىڭ ىشىندە اتمحتو جانە COPEAM (جەرورتا تەڭىزى حابار تاراتۋشىلارىنىڭ قاۋىمداستىعى) باس حاتشىلارى, الەمدە تىڭداۋشىلار اۋديتورياسى ەڭ ۇلكەن راديو – ءۇندىستان راديوسىن قوسا العاندا, ازيا مەن ەۋروپانىڭ تەلەراديو حابار تاراتاتىن كومپانيالارى. وسىلايشا, اتمحتو جەلىسىندەگى ءىس-شارالار قازاقستانداعى وقيعالىق ءتۋريزمدى دامىتۋعا باعىتتالعان اسا ماڭىزدى يميدجدىك جوبا بولادى.
اتمحتو 3 ميللياردتاي ادام اۋديتورياسىن قامتيتىن الەمنىڭ ەڭ ءىرى جانە تىعىز ورنالاسقان ءوڭىرى – ازيا مەن وكەانيانىڭ 69 ەلىنىڭ 292 حابار تاراتۋ ۇيىمدارىن بىرىكتىرەتىن كوممەرتسيالىق ەمەس كاسىبي قاۋىمداستىق بولىپ تابىلادى. حابار تاراتۋشىلاردىڭ وڭىرلىك جانە حالىقارالىق دوستاستىعىن نىعايتۋعا جانە ولاردىڭ قىزىعۋشىلىقتارىن ىلگەرىلەتۋگە سەبەپتەسەتىن مۇنداي بەدەلدى ۇيىممەن ىنتىماقتاستىق جاساۋ قازاقستاننىڭ وتاندىق ءونىمىنىڭ ساپاسىن جوعارىلاتۋعا جانە باعدارلاما جاساۋ مەن جاڭالىق الماسۋ بويىنشا الەمدىك تاجىريبەنى ۇيرەنۋگە جول اشادى
